माती परीक्षण

माती परीक्षण का करावे? :-आपल्या जमिनीत किती अन्नद्रव्य उपलब्ध  आहेत हे माहिती होते. जमिनीत उपलब्ध अन्नद्रव्य व आवश्यक असलेल्या अन्नद्रव्याची माहिती झाल्यामुळे संतुलित अन्नद्रव्य पुरवठा रासायनिक तसेच सेंद्रिय खते यांमधून करता येतो. यामुळे पिकांचे उत्पादन भरघोष येते व जमिनीची सुपीकता टिकवून ठेवण्यास मदत होते.

मातीचा नमुना कसा घ्यावा? :- २.५ एकर  मधून एक  मातीचा नमुना घ्यावा , त्यामध्ये  ८ ते १०  खड्डे नागमोडी वळणाने करावे. धान ,गहू साठी  पंधरा सेंमी  पर्यन्त खोल खड्डा करावा , भाजीपाला पिकांसाठी ,कड धान्य पिकांसाठी ३० सेंमी  पर्यन्त खोल खड्डा करावा व फळझाडासाठी १०० सेंमी  पर्यन्त खोल खड्डा करून नमुना घ्यावा . खड्डा इंग्रजी  ‘ V ‘ आकाराचा घ्यावा आणि माती लाकडी परत ने काढावी.

मातीचा नमुना कुठून घेऊ नये? :- गुरांच्या गोठ्याजवळ ,झाडाच्या खालची ,विहिरीजवळची माती परीक्षणासाठी घेऊ नये.

मातीचा नमुना केंव्हा घ्यावा? : – जमीन नांगरणी आधी मोकळ्या जमिनीतून घ्यावा . रासायनिक खते  दिल्यानंतर २ महिन्यांनी घ्यावा ,पीक शेतात उभे  असतानी नमुना काढू नये.

शेतात माती ओली असतांनी मातीचा नमुना घ्यावा का? :- होय , शेतातील ओली माती काढून सावलीत वाळवावी व बारीक करून प्रयोगशाळेत पाठवावे.